ڈی آئی جی بنوں ریجن سجاد خان کی ہدایت پر سی ٹی ڈی بنوں ریجن اور بنوں پولیس نے خفیہ اطلاع پر ڈومیل کے علاقے کمپنی روڈ پر مشترکہ کارروائی کی۔ کارروائی کے دوران فتنۂ الخوارج سے تعلق رکھنے والے دو انتہائی مطلوب دہشتگرد ہلاک ہوگئے، جو بنوں پولیس اور سی ٹی ڈی کو متعدد سنگین مقدمات میں مطلوب تھے۔ہلاک دہشتگردوں میں سی ٹی ڈی کے چار بہادر اہلکاروں کی شہادت کے ماسٹر مائنڈ راشدین عرف ملنگ یار بھی شامل ہے۔ دہشتگردوں کے قبضے سے بھاری مقدار میں اسلحہ، ہینڈ گرینیڈز اور کالعدم تنظیم کے کارڈز برآمد کیے گئے۔واقعے کے بعد علاقے میں پولیس اور سی ٹی ڈی نے مشترکہ سرچ آپریشن کا آغاز کیا ہے تاکہ فرار دہشتگردوں کو بھی قانون کے کٹہرے میں لایا جا سکے۔ڈی آئی جی بنوں ریجن سجاد خان نے آپریشن میں حصہ لینے والی ٹیموں کو زبردست خراجِ تحسین پیش کرتے ہوئے کہا کہ:> “بنوں پولیس اور سی ٹی ڈی کے جوانوں کی بہادری، جرات اور قربانیاں ہی امن کے قیام کی ضمانت ہیں۔ بنوں ریجن کو دہشتگردوں کے ناپاک وجود سے مکمل طور پر پاک کیا جائے گا۔”
