شعبہ آرٹ اینڈ ڈیزائن کریٹو آرٹس کے شعبوں میں تعلیم، تحقیق، اور تخلیقی کاموں کو فروغ دیتا ہے،پی ایچ ڈی ریسرچ سکالر ڈاکٹر ثانیہ سراج سے خصوصی گفتگو
پشاور(انٹرویو: مدثر زیب)
پشاور یونیورسٹی کے شعبہ آثار قدیمہ کی پی ایچ ڈی ریسرچ سکالر محترمہ ثانیہ سراج جنہوں نے حال ہی میں اپنے پی ایچ ڈی مقالے کا کامیابی سے دفاع کیا ہے، ان کے مقالے کا عنوان تھا ”گندھارا کے فن تعمیر میں لوٹس کا ایک سیمیٹک مطالعہ ”۔ ڈاکٹر ثانیہ سراج نے اپنا تحقیقی کام پروفیسر ڈاکٹر ابراہیم شاہ، سابق چیئرمین شعبہ آثار قدیمہ کی نگرانی میں مکمل کیا، ڈاکٹر ثانیہ سراج، شہید بے نظیر بھٹو وومن یونیورسٹی، میں شعبہ آرٹ اینڈ ڈیزائن سے وابستہ ہیں، ”خیبرنامہ” سے انہوں نے خصوصی گفتگو میں شعبہ آرٹ اینڈڈیزائن کی اہمیت کو اُجاگر کیا۔
ڈاکٹر ثانیہ سراج نے دورانِ انٹرویو ”خیبرنامہ” کی ٹیم کو بتایا کہ شہید بے نظیر بھٹو ویمن یونیورسٹی کا شعبہ آرٹ اینڈ ڈیزائن خیبر پختونخوا کی خواتین فنکاروں کو پروموٹ کرنے کیلئے شاندار کام کر رہا ہے۔ شعبہ آرٹ اینڈ ڈیزائن ایک ایسا ادارہ ہے جو آرٹ، ڈیزائن، اور کریٹو آرٹس کے شعبوں میں تعلیم، تحقیق، اور تخلیقی کاموں کو فروغ دیتا ہے۔شعبہ آرٹ اینڈ ڈیزائن کا مقصد آرٹ، ڈیزائن، اور کریٹو آرٹس کے شعبوں میں تعلیم فراہم کرنا ہے۔
انہوں نے آرکیالوجی ڈیپارٹمنٹ کے ساتھ کام کرنے کے لیے تجویز دیتے ہوئے بتایا کہ وہ پاکستان کے تاریخی اور ثقافتی ورثے کے تحفظ اور حفاظت کے لیے مزید کام کریں اور اس کے بارے میں عوام کو آگاہ کریں۔ میرے خیال میں آرکیالوجی ڈیپارٹمنٹ کو بہتر بنانے کے لیے، انہیں مزید فنڈز اور وسائل فراہم کیے جائیں تاکہ وہ اپنے مقاصد کو پورا کر سکیں۔ آرکیالوجی ڈیپارٹمنٹ کے لیے سب سے بڑا چیلنج ہے عوام کو تاریخی اور ثقافتی ورثے کے بارے میں آگاہ کرنا اور انہیں اس کے تحفظ اور حفاظت کے لیے راضی کرنا ہے۔
ایک سوال کے جواب میں ڈاکٹر ثانیہ سراج نے بتایا کہ میں نے آرکیالوجی میں پی ایچ ڈی کرنے کا فیصلہ اس لیے کیا کیونکہ میں پاکستان کے تاریخی اور ثقافتی ورثے کے بارے میں مزید جاننا چاہتی ہوں ۔ میں نے اپنی تحقیق کے لیے مختلف طریقے استعمال کیے، جن میں سروے، اور تاریخی اور ثقافتی مواد کا تجزیہ شامل ہیں۔انہوں نے دورانِ انٹرویو بتایا کہ میں اپنی تحقیق کے بعد پاکستان کے تاریخی اور ثقافتی ورثے کے تحفظ اور حفاظت کے لیے کام کرنا چاہتی ہوں اور اس کے بارے میں عوام کو آگاہ کرنا چاہتی ہوں۔یاد رہے کہ ڈاکٹر ثانیہ سراج شہید بینظیر بھٹو ویمن یونیورسٹی پشاور کے شعبہ آرٹ اینڈ ڈیزائن کی پی ایچ ڈی فیکلٹی ہیں۔
