آئس سمیت غیر قانونی اسلحہ برآمد، کارروائیاں ترناب فارم، انقلاب روڈ و دیگر علاقوں میں کی گئیں
پشاور (کرائمز رپورٹر: مدثر زیب) ضلع بھر میں امن و امان قائم رکھنے کی خاطر جرائم پیشہ افراد کے خلاف کریک ڈاؤن مزید تیز کردیا گیا،ایس ایچ او تھانہ چمکنی جاوید مروت نے دیگر نفری پولیس کے ہمراہ مختلف علاقوں میں آئس سمیت غیر قانونی اسلحہ سمیت دیگر جرائم میں ملوث ملزمان کے خلاف کارروائیوں کے دوران ملزمان شفیع اللہ، ذیشان، حفیظ الرحمان، وقار، عمیر، ماجد، بلال، محمد عثمان، فواد علی، سلمان، خان زیب، فرہاد اور محمد خیر کو گرفتار کر لیا۔ کارروائیاں تھانہ چمکنی کے علاقوں ترناب فارم ناکہ بندی، انقلاب روڈ، جی ٹی روڈ، چغلپورہ، چمکنی بازار، کالوخیل سمیت دیگر ملحقہ علاقوں میں کی گئیں، ملزمان کے قبضے سے 1827 گرام آئس،دو عدد رائفل، سات عدد پستول اور متعدد کارتوس بھی برآمد کرلئے گئے جبکہ مقدمات درج کرکے تفتیش شروع کردی گئی ہے۔
