متعدد جرائم پیشہ اور منشیات فروش گرفتار،بھاری اسلحہ برآمد، مقدمات درج، تفتیش شروع
پشاور (مدثرزیب سے) ضلع بھر میں جرائم کی بیخ کنی اور امن و امان کی صورتحال برقرار رکھنے کے لئے مختلف تھانوں کی حدود میں ٹارگٹڈ سرچ آپریشن کا سلسلہ جاری ہے۔اس حوالے سے ایس ایچ او تھانہ چمکنی جاوید مروت نے دیگر پولیس نفری، لیڈیز پولیس اور دیگر یونٹس کے ہمراہ سرچ آپریشن کے دوران منشیات فروشوں، غیر رجسٹرڈ کرایہ داروں اور دیگر جرائم پیشہ کو گرفتار کرلیا۔سرچ آپریشن کے دوران ملزمان کے قبضے سے دو عدد کلاشنکوف، ایک رائفل، ایک بندوق، 5 عدد پستول، ایک کلو گرام ہیروئن، 2400 گرام چرس بھی برآمد کرلی گئی ہے۔ ملزمان کے خلاف مقدمات درج کرکے ان سے مزید تفتیش جاری ہے۔
