پشاور(مدثر زیب) اسپیکر خیبرپختونخوا اسمبلی اور اسپیشل کمیٹی برائے سیکیورٹی کے چیئرمین بابر سلیم سواتی نے کمیٹی کا دوسرا اجلاس سوموار، 3 نومبر 2025 کو دوپہر 12 بجے اسمبلی سیکریٹریٹ پشاور کے کانفرنس روم میں طلب کر لیا ہے۔
تفصیلات کے مطابق، پولیس ڈیپارٹمنٹ، محکمہ داخلہ اور چیف سیکریٹری خیبرپختونخوا کی جانب سے اجلاس میں صوبے کی مجموعی سیکیورٹی اور امن و امان کی صورتحال پر تفصیلی بریفنگ دی جائے گی۔
ذرائع کے مطابق، کمیٹی اجلاس میں امن و امان کے قیام، انسدادِ دہشتگردی کے اقدامات اور متعلقہ اداروں کے درمیان رابطہ کاری کو مزید مؤثر بنانے کے حوالے سے اہم سفارشات تیار کرے گی۔
واضح رہے کہ اسپیکر بابر سلیم سواتی کی زیر نگرانی قائم یہ خصوصی سیکیورٹی کمیٹی صوبے میں سیکیورٹی امور کا اعلیٰ سطحی جائزہ لینے، قانون نافذ کرنے والے اداروں کے ساتھ مشترکہ حکمتِ عملی وضع کرنے اور عوام کے جان و مال کے تحفظ کو یقینی بنانے کے لیے تشکیل دی گئی ہے۔
